بنت الجيران اللي هنا أوصادي مش عا....
لأ مش دي ... أنا مش هغني
أنا هحكيلكوا على حاجه كده
كل يوم أسمع بنت الجيران اللي في الشقة اللي أوصادنا تعيط
و تصرخ و تصوت
و مامتها تضربها
و كل ما تصوت أكتر مامتها تضربها أكتر و أكتر
هو أنتوا عندكوا بتضربوا العيال الصغننين ؟؟ قولولي
لو بتضربوا العيال أنا أرجع من مكان ما جيت أحسن
هو أنا هجيلكوا عشان تضربوني
أنا لا يمكن أوافق على الكلام ده أبدا
ااااه أنا عايزكم تعلموني بس مش تضربوني
بص يا بابا .. بصي يا ماما
الضرب ده وحش و مش بيعلم حاجه
و أسئلوا بنت الجيران
أهي كل يوم تضرب عشان مش بتسمع الكلام و برضة مش بتسمعه
و مامتها دي أنا مش بحبها
و أنتوا كمان لو ضربتوني أنا مش هحبكوا
أنا عايزكم تحبوني و لما أغلط تعلموني و تفهموني بس مش تضربوني
و لا في أوضتي تحبسوني و لا من المصروف تحرموني
بصوا
لما أغلط و أعمل حاجه مش كويسة أبقوا طنشوا و كبروا دماغكوا
خليكوا ناس كووووووول
ليست هناك تعليقات:
إرسال تعليق